Jr NTR30: టాలీవుడ్ లో ఇప్పుడు మరో మోస్ట్ అవైటెడ్ మూవీ ఎన్టీఆర్, కొరటాల శివ దర్శకత్వంలో రాబోతున్న సినిమా. ఇదిగో అదిగో సినిమా మొదలవుతుందని ప్రచారం జరుగుతున్న ఈ సినిమాలో హీరోయిన్ ఎంపిక కూడా ఇప్పటి వరకు భారీ ప్రచారమే సాగుతూ వస్తుంది. అయితే.. కొరటాల ఆచార్య సినిమా ఫలితం తర్వాత ఎన్టీఆర్ సినిమా కోసం మరింత జాగ్రత్తలు తీసుకుంటున్నట్లు కనిపిస్తుంది.
అందుకే ముందుగా స్టోరీలో మార్పులు, చేర్పుల కోసం మహామహులైన నలుగురు రచయితలతో చర్చించి బౌండ్ స్క్రిప్ట్ సిద్ధం చేసిన కొరటాల.. ప్రతి అంశాన్ని అదే స్థాయిలో ఎన్నో చర్చల అనంతరం ఫైనల్ చేస్తున్నాడు. మరోవైపు RRR సినిమా తర్వాత ఎన్టీఆర్ నుంచి వస్తున్న సినిమా, పాన్ ఇండియా స్థాయిలో ఏర్పడిన అభిమానులను సంతృప్తి పరచాలాల్సిన సినిమా కాబట్టి యంగ్ టైగర్ కూడా తన లుక్ నుండి సినిమా అన్ని విషయాలపై అదే స్థాయిలో జాగ్రత్తలు తీసుకుంటున్నాడట.
అలా ఎన్నో సంప్రదింపుల అనంతరం ఈ సినిమా కోసం యువ సంగీత సంచలనం అనిరుధ్ రవిచందర్ ను ఫైనల్ చేశారు. వీరి మధ్యలో స్క్రిప్ట్ కు సంబంధించిన అనేక రకాల విషయాలపై చర్చలు జరగగా సిట్టింగ్ ఫోటోలు కూడా సోషల్ మీడియాలో షేర్ చేసుకున్నారు. దీంతో ఈ సినిమాకు అనిరుధ్ పనిచేయనున్నాడని ఫిక్స్ అయింది.
అయితే, తెలుగులో అనిరుధ్ సినిమా ఫలితాలను చూసి టెన్షన్ పడుతున్న ఫ్యాన్స్ కొరటాలను అనిరుధ్ గట్టక్కిస్తాడా? అంటూ సోషల్ మీడియాలో చర్చలు మొదలు పెట్టారు. మరి అనిరుధ్ ఈ సినిమా బ్లాక్ బస్టర్ కోసం సూపర్ హిట్ మ్యూజిక్ ఇచ్చి తన ట్రాక్ రికార్డ్ తిరగరాసుకొని కొరటాలకు మళ్ళీ బ్లాక్ బస్టర్ లో సాయం చేస్తాడేమో చూడాలి.
