అనిల్ రావిపూడి దర్శకత్వంలో.. వెంకటేష్ హీరోగా తెరకెక్కిన సినిమా సంక్రాంతికి వస్తున్నాం సినిమా ఎంత పెద్ద విజయం సాధించింతో అందరికీ తెలిసిందే. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మాణంలో వచ్చిన ఈ సినిమాలో.. మీనాక్షి చౌదరి, ఐశ్వర్య రాజేష్ హీరోయిన్స్ గా, vtv గణేష్, ఉపేంద్ర లిమయే, నరేష్, అవసరాల శ్రీనివాస్.. పలువురు ముఖ్య పాత్రల్లో నటించారు. సంక్రాంతి కానుకగా ఈ సినిమా జనవరి 14న థియేటర్స్ లో రిలీజయి భారీ హిట్ అయింది.
సంక్రాంతికి వస్తున్నాం మూవీ కేవలం.. 60 కోట్ల బడ్జెట్ తో తెరకెక్కి ఏకంగా 300 కోట్ల గ్రాస్ వసూలు చేసి భారీ విజయాన్ని సాధించింది. ఇప్పటికే సంక్రాంతికి వస్తున్నాం సినిమాకు పలు సక్సెస్ మీట్స్ నిర్వహించారు. ఫ్యామిలీలకు బాగా కనెక్ట్ అయిన ఈ సినిమా ఎప్పుడెప్పుడు ఓటీటీలోకి వస్తుందా అని అభిమానులు ఎదురుచూస్తున్నారు. అయితే ఈ సినిమా ఓటీటీలోకి రాకుండా డైరెక్ట్ టీవీ లోకి వచ్చేస్తుందని తెలుస్తోంది.
సాధారణంగా చాలా సినిమాలు థియేటర్స్ లో రిలీజయిన మూడు నాలుగు వారాలకే ఓటీటీలు వస్తున్నాయి. కొన్ని సినిమాలు అయితే ఓటీటీతో ఒప్పందాలు అయ్యాకే థియేటర్స్ కి వస్తున్నాయి. అయితే సంక్రాంతికి వస్తున్నాం సినిమా మాత్రం ఓటీటీ ఒప్పందం అవ్వకుండానే రిలీజయింది. దీంతో అంతా దిల్ రాజు రిస్క్ చేస్తున్నాడు అనుకున్నారు. కానీ బోలెడు ప్రాఫిట్స్ థియేటర్ నుంచే వచ్చాయి. థియేటర్స్ లో రిలీజయి పెద్ద హిట్ అయ్యాక సంక్రాంతికి వస్తున్నాం సినిమా శాటిలైట్, ఓటీటీ రైట్స్ కోసం పలు సంస్థలు పోటీ పడగా జీ సంస్థ రెండు హక్కులను కొనేసుకుంది.
సంక్రాంతికి వస్తున్నాం శాటిలైట్, ఓటీటీ హక్కులను జీ సంస్థ కొనుక్కోటంతో జీ5 ఓటీటీలోకి సినిమా వచ్చే ముందే జీ తెలుగు ఛానల్ లో సినిమాని టెలికాస్ట్ చేస్తున్నామని అధికారికంగా ప్రకటించారు. ఓటీటీలో వచ్చే వ్యూస్ ఎలాగూ వస్తాయి. టీవీలో ముందే వేస్తే ఎక్కువ యాడ్స్ తెచ్చుకోవచ్చు, ఎక్కువ టీఆర్పీ తెచ్చుకోవచ్చు అని జీ సంస్థ ఆలోచించినట్టు తెలుస్తుంది. శాటిలైట్, ఓటీటీ వేరు వేరు సంస్థలు కొనుక్కుంటే ఇలా కుదిరేది కాదు కానీ రెండిటిని ఒకే సంస్థ కొనుక్కోవడంతో మరింత క్యాష్ చేసుకోడానికి, తమ ఛానల్ కి రీచ్ తెచ్చుకోవడానికి ముందే టీవీలో వేస్తున్నారంట. శివరాత్రికి ఈ సినిమా టీవీలో వచ్చే అవకాశం ఉన్నట్లు తెలుస్తోంది.
