LunarEclipse 2025:వేద జ్యోతిష్య పంచాంగం ప్రకారం ఈ సంవత్సరం అత్యంత సుదీర్ఘమైన చంద్రగ్రహణం సెప్టెంబర్ 7న సంభవించనుంది. ఈ గ్రహణం కుంభరాశిలో జరుగుతుంది. కుంభరాశి అధిపతి అయిన శని ఈ సమయానికి ప్రధాన పాత్రలో ఉంటాడు. ఈ గ్రహణం ప్రత్యేకత ఏమిటంటే, అదే రోజున కుజుడు, శనితో కలిసిపడి సంసప్తక యోగాన్ని సృష్టిస్తారు. జ్యోతిష్య శాస్త్రం ప్రకారం ఈ యోగం చాలా శక్తివంతమైందిగా పరిగణిస్తారు. దాని ప్రభావం అన్ని రాశులపై ఉండే అవకాశం ఉన్నప్పటికీ, కొన్ని రాశుల వారికి మాత్రం ప్రత్యేక అనుకూలతలు లభిస్తాయని పండితులు వివరిస్తున్నారు.

ఉద్యోగ, ఆర్థికం, వ్యక్తిగత జీవితాల్లో..

ఈ సంసప్తక యోగం కారణంగా ముఖ్యంగా వృషభం, మిథునం, తుల రాశుల వారికి అదృష్టం మిగతా వారికంటే ఎక్కువగా అనుభూతి అవుతుందని చెబుతున్నారు. ఈ రాశుల వారికి ఉద్యోగ, ఆర్థికం, వ్యక్తిగత జీవితాల్లో సానుకూల పరిణామాలు చోటుచేసుకుంటాయి. ఇప్పుడు ఈ మూడు రాశుల వారికి సంసప్తక యోగం ద్వారా కలిగే ప్రయోజనాలను చూద్దాం.

వృషభ రాశి..

వృషభ రాశి వారికి ఈ కాలం అనుకూల శుభఫలితాలను ఇస్తుందని చెబుతున్నారు. ఈ సమయంలో ఆదాయంలో గణనీయమైన పెరుగుదల ఉండే అవకాశం ఉంది. కొత్త వ్యాపార మార్గాలు, కొత్త అవకాశాలు ఎదురవుతాయి. కళలు, రచన, సంగీతం లేదా ప్రదర్శన రంగంలో ఉన్నవారికి వారి ప్రతిభ మరింత వెలుగులోకి వస్తుంది. ఏ పనినైనా ప్రారంభిస్తే దానిని విజయవంతంగా పూర్తి చేసే స్థితి వస్తుంది. ఈ సమయంలో చేసే ప్రయాణాలు వారికి మంచి ఫలితాలను అందిస్తాయి. ముఖ్యంగా విదేశీ అవకాశాలు అన్వేషిస్తున్న వారికి ఈ కాలం అనుకూలంగా ఉంటుంది. ఉద్యోగంలో ఉన్నవారు పదోన్నతి పొందే అవకాశాలు ఉన్నాయి. విద్యార్థులకు కూడా విదేశీ విద్యా అవకాశాలు కలిగే అవకాశం ఉంది. వాహనం లేదా ఆస్తి కొనుగోలు చేయాలని అనుకుంటే ఈ సమయంలో ప్రయత్నాలు ఫలవంతంగా మారే అవకాశం ఉంది.

మిథున రాశి..

మిథున రాశి వారికి ఈ యోగం వృత్తి, వ్యాపార రంగాల్లో అనేక సానుకూల మార్పులు తీసుకురానుంది. కొత్త ఉద్యోగాలు దక్కే అవకాశాలు బలంగా ఉంటాయి. ఇప్పటికే ఉద్యోగం చేస్తున్నవారు పదోన్నతి పొందవచ్చు. వ్యాపారవేత్తలకు ఈ కాలం విస్తరణకు అనుకూలం. పెట్టుబడులు లాభదాయకంగా మారవచ్చు. తమ పోటీదారులపై గెలిచే స్థితి వస్తుంది. కొత్త ఒప్పందాలు కుదుర్చుకోవడంలో అదృష్టం సహకరిస్తుంది. నిరుద్యోగులు ఉద్యోగాలు పొందే అవకాశాలు ఎక్కువ. కుటుంబపరంగా చూస్తే, తండ్రితో అనుబంధం బలపడుతుంది. ఈ సమయంలో ప్రయాణాలు కూడా మిథున రాశివారికి ప్రయోజనకరంగా ఉంటాయి.

తుల రాశి..

తుల రాశి వారికి కూడా ఈ సంసప్తక యోగం అనేక రకాలుగా ప్రయోజనం కలిగిస్తుంది. పెండింగ్‌లో ఉన్న పనులు ఈ కాలంలో సాఫీగా పూర్తవుతాయి. కుటుంబం, స్నేహితులతో ఆనందంగా గడిపే సమయం వస్తుంది. ప్రేమ సంబంధాలు మరింత మధురంగా మారతాయి. ఆరోగ్యం మెరుగ్గా ఉంటుంది. వారు తమ కలలను సాకారం చేసుకునే దిశగా అడుగులు వేస్తారు. తీసుకున్న నిర్ణయాలు విజయవంతమవుతాయి. ఆర్థికపరంగా స్థిరపడతారు. ఖర్చు చేసినప్పటికీ డబ్బు ఆదా చేసే అవకాశం కూడా ఉంటుంది. వ్యాపారవేత్తలు ఆస్తి కొనుగోలు చేయాలని చూస్తే అనుకూల ఒప్పందాలు లభించే అవకాశం ఉంది.

Also Read: https://teluguprabha.net/devotional-news/remembering-ancient-gurus-on-teachers-day-2025/