ఇది వింత వాదన: WHO మాజీ చీఫ్ సైంటిస్ట్, డా. సౌమ్య స్వామినాథన్
ట్రంప్ వ్యాఖ్యలపై ప్రపంచ ఆరోగ్య సంస్థ (WHO) మాజీ చీఫ్ సైంటిస్ట్, ప్రముఖ భారతీయ శిశువైద్య నిపుణురాలు డా. సౌమ్య స్వామినాథన్ తీవ్రంగా స్పందించారు. NDTVకి ఇచ్చిన ప్రత్యేక ఇంటర్వ్యూలో ఆమె మాట్లాడుతూ, “పారాసెటమాల్ వాడకానికి, ఆటిజంకు సంబంధం ఉన్నట్లు ఎక్కడా శాస్త్రీయంగా నిరూపించబడలేదు. ఇది అత్యంత సురక్షితమైన మందులలో ఒకటి. ప్రజలు భయపడాల్సిన అవసరం లేదు” అని భరోసా ఇచ్చారు. ట్రంప్ వ్యాఖ్యలను “ఆధారరహితమైన వింత వాదనలు”గా ఆమె అభివర్ణించారు. వైద్యుల సలహా మేరకు వాడితే పారాసెటమాల్ వల్ల కలిగే ప్రయోజనాలు, దాని రిస్క్‌ల కంటే చాలా ఎక్కువని ఆమె స్పష్టం చేశారు.
ALSO READ: coastal areas: సముద్రతీరాల్లో కల్లోల పరిస్థితులు.. అయినా వలసలు జరగట్లేదని ఆందోళన
ట్రంప్ మాటలు వింటే పెను ప్రమాదం: అమెరికన్ ఎపిడెమియాలజిస్ట్ హెచ్చరిక
ప్రఖ్యాత అమెరికన్ ఎపిడెమియాలజిస్ట్ ఎరిక్ ఫీగల్-డింగ్, ట్రంప్ వ్యాఖ్యలు ప్రజారోగ్యానికి తీవ్ర నష్టం కలిగిస్తాయని హెచ్చరించారు. “గర్భధారణ సమయంలో తల్లికి జ్వరం రావడం బిడ్డకు చాలా ప్రమాదకరం. దీనివల్ల గర్భస్రావాలు, పుట్టుకతో వచ్చే లోపాలు సంభవించే అవకాశాలు పెరుగుతాయి. ట్రంప్ తప్పుడు సమాచారాన్ని విని ఎవరైనా జ్వరం తగ్గించుకోవడానికి మందులు వాడకపోతే, దాని పర్యవసానాలు భయంకరంగా ఉంటాయి” అని ఆయన ఆందోళన వ్యక్తం చేశారు.
స్వీడన్‌లో 25 లక్షల మంది పిల్లలపై జరిపిన అతిపెద్ద అధ్యయనంలో కూడా గర్భధారణ సమయంలో పారాసెటమాల్ వాడకానికి, ఆటిజంకు ఎటువంటి సంబంధం లేదని తేలిందని ఆయన గుర్తుచేశారు. ట్రంప్, ఆయన ఆరోగ్య కార్యదర్శి రాబర్ట్ ఎఫ్. కెన్నెడీ జూనియర్ గతంలో కోవిడ్ సమయంలో బ్లీచ్ తాగమని, హైడ్రాక్సీక్లోరోక్విన్ వాడమని చెప్పినట్లే, ఇప్పుడు కూడా శాస్త్ర విరుద్ధమైన ప్రచారాలు చేస్తున్నారని ఆయన విమర్శించారు.
టైనలాల్ తయారీ సంస్థ కూడా ట్రంప్ వాదనలను తోసిపుచ్చింది. తమ మందుకు, ఆటిజంకు సంబంధం ఉందని చెప్పడానికి ఎలాంటి విశ్వసనీయమైన శాస్త్రీయ ఆధారాలు లేవని తమ వెబ్‌సైట్‌లో స్పష్టం చేసింది.
మొత్తంమీద, ట్రంప్ వ్యాఖ్యలు కేవలం రాజకీయ ప్రయోజనాల కోసం చేసినవేనని, ప్రజలు వాటిని నమ్మవద్దని, ఏదైనా ఆరోగ్య సమస్య వస్తే గూగుల్‌లో వెతకడం కాకుండా అర్హత కలిగిన వైద్యులను సంప్రదించాలని నిపుణులు ముక్తకంఠంతో సూచిస్తున్నారు.
ALSO READ: H-1B Visa Fee Hike: ట్రంప్ H-1B నిర్ణయానికి నెట్‌ఫ్లిక్స్, ఐఐటీ-మద్రాస్ జై! ఇది భారత్‌కు వరమా?
