పోప్ ఫ్రాన్సిస్(Pope Francis) ఆరోగ్యం క్షీణించింది.. ప్రస్తుతం రోమ్‌లోని జిమేలీ ఆస్పత్రిలో ఆయనకు చికిత్స అందిస్తున్నారు. శ్వాసకోశ సంబంధిత వ్యాధితో ఆయన బాధపడుతున్నారు. పోప్ ఫ్రాన్సిస్ ఆరోగ్యం సంక్లిష్టంగా ఉన్నట్లు వాటికన్ వర్గాలు వెల్లడించాయి. ఆయన న్యుమోనియాతో బాధపడుతున్నారు. శ్వాస తీసుకోవడంలో తీవ్ర ఇబ్బందులు ఎదుర్కొంటున్నాడు. ప్రస్తుతం ఆయన వయసు 88 సంవత్సరాలు. అయితే ఫ్రాన్సిస్ చనిపోకముందే ఆయన అంత్యక్రియలకు సంబంధించిన రిహార్సల్స్ జరుగుతున్నట్లు తెలుస్తోంది.
పోప్ అంత్యక్రియలు ఎలా జరుగుతాయి: క్రైస్తవ మతంలో పోప్ కు అత్యున్నత స్థానం ఇచ్చారు. ఆయన ప్రపంచవ్యాప్తంగా ఉన్న అన్ని చర్చిలకు అధిపతిగా ఉంటారు. ఇలాంటి సమయంలో పోప్ అంత్యక్రియలు ఎలా నిర్వహిస్తారో ఇప్పుడు తెలుసుకుందాం. దీనిపై గత సంవత్సరం నవంబర్ నెలలోనే ఒక నిర్ణయానికి వచ్చినట్లు తెలుస్తోంది. అంతేకాదు తన అంత్యక్రియలు ఎలా నిర్వహించాలో తెలిపే నిబంధనపై పోప్ ఫ్రాన్సిస్ స్వయంగా తుది ముద్ర వేసినట్లు తెలుస్తోంది. పోప్ మరణాన్ని కామెర్లెంగో ప్రకటిస్తారు. వాటికన్‌లో ఈ ముఖ్యమైన పదవిని ప్రస్తుతం ఐరిష్‌లో జన్మించిన కార్డినల్ కెవిన్ ఫారెల్ నిర్వహిస్తున్నారు.
గతంలో పోప్ మరణించినప్పుడు మృతదేహాన్ని చాలా కాలం పాటు బహిరంగంగా ఉంచేవారు.. కానీ ఇప్పుడు కొత్త నిబంధనల ప్రకారం అలా జరగదు. మరణించిన వెంటనే మృతదేహాన్ని శవపేటికలో ఉంచడం తప్పనిసరి. గతంలో మూడు శవపేటికలు ఉంచేవారు. కానీ ఇప్పుడు అది నిలిచిపోయింది. సాధారణ పౌరులు పోప్ మృతదేహాన్ని శవపేటికలో ఉంచిన తర్వాతే చూడగలరు. పోప్ మృతికి 9 రోజుల సంతాప దినాలు పాటించనున్నారు.
నిజానికి పోప్ మరణం తర్వాత ఆయనను సెయింట్ పీటర్స్‌లోని సమాధిలో ఖననం చేస్తారు. కానీ పోప్ ఫ్రాన్సిస్ ఈ నియమాన్ని మార్చారు. ఇప్పుడు పోప్ అంత్యక్రియలు ఏ సమాధిలోనైనా జరగవచ్చు. పోప్ ఫ్రాన్సిస్ తన అంత్యక్రియలను రోమ్‌లోని శాంటా మారియా మాగ్గియోర్ బసిలికా సమాధిలో నిర్వహించాలని కోరుకుంటున్నారు. పోప్ కోరిక అంత్యక్రియల సమయంలో నెరవేరుతుందని చెబుతున్నారు. ఖననం చేసే సమయంలో సమాధిలో నాణేలను ఉంచుతారు. అయితే, ఇది అవసరం లేదు. ఖననం చేసే సమయంలో అతడి పదవీకాలాన్ని ప్రస్తావించే 1000 పదాల పత్రం తయారు చేయబడుతుంది. చరిత్రను కాపాడటానికి ఈ పని జరుగుతుంది.
