రాజకీయ సభలకి జనాల్ని తరలించడం పార్టీలకు అతిపెద్ద టాస్క్ అనే చెప్పాలి. దీనికోసం ప్రజలకి నాయకులు రకరకాల తాయిలాలు వేస్తుంటారు. ఆడవాళ్ళకి చీరలని, మగవాళ్ళకి మందుబాటిళ్ళు, బిర్యానీ ప్యాకెట్లు, డబ్బులు ఇలా ఏవేవో ఆశ చూపుతుంటారు. అయితే, తాజాగా తమ పార్టీ మీటింగ్ కి జనాన్ని తరలించేందుకు అన్నా డీఎంకే పార్టీ (Anna DMK Party) సరికొత్త ప్రయోగం చేసింది.
Also Read : దారుణం… లేట్ గా వచ్చారని జుట్టు కత్తిరించేశారు
బీరు, బిర్యానీలు కాకుండా సభకి జనాన్ని రప్పించేందుకు వినూత్న ప్రయోగం చేసింది. ఇంట్లో ఉపయోగపడే గిఫ్ట్ ప్రకటించింది. సభకి రండి, వెళ్ళేటప్పుడు కుర్చీ తీసుకెళ్లండి అని అన్నా డీఎంకే పార్టీ (Anna DMK Party) బంపర్ ఆఫర్ ప్రకటించింది. తిరుప్పూర్ పెరమనల్లూర్ లో జరిగిన సర్వసభ్య సమావేశం సభ కోసం లోకల్ లీడర్స్ స్థానికులని సభకి తరలించేందుకు ఈ ఆఫర్ ప్రకటించారు. పార్టీ క్యాడర్ కాకుండా వచ్చే ప్రజల కోసం ఈ కుర్చీలను గిఫ్ట్ ఇచ్చారు. సభకి వచ్చిన ప్రజలు రిటర్న్ గిఫ్ట్స్ గా తీసుకెళ్లేందుకు దాదాపు 1600 కుర్చీలను ఏర్పాటు చేశారు. ఇంకేముంది, జనం భారీగా హాజరయ్యారు. సభ ముగిసేవరకు కూర్చుని, వెళ్ళేటప్పుడు కుర్చీలను కూడా తమవెంట తీసుకెళ్లారు. ప్రస్తుతం దీనికి సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.