BSF Recruitment : భారత సరిహద్దు భద్రతా దళం (BSF) 2025లో 3,829 కానిస్టేబుల్ ఉద్యోగ ఖాళీలను భర్తీ చేయనుంది. ఇందులో 3,588 కానిస్టేబుల్ (ట్రేడ్స్‌మన్) మరియు 241 స్పోర్ట్స్ కోటా ఉద్యోగాలు ఉన్నాయి. ఈ ఖాళీలు పాకిస్థాన్, చైనా, నేపాల్, భూటాన్, మయన్మార్, బంగ్లాదేశ్ సరిహద్దులతో పాటు జమ్మూ & కాశ్మీర్‌లోని PoK ప్రాంతంలో 15,106 కి.మీ. భూభాగంలో భద్రతా విధులను నిర్వహించేందుకు ఉద్దేశించినవి. ఈ ఉద్యోగాలకు ఆన్‌లైన్ దరఖాస్తులు జులై 26, 2025 నుంచి ఆగస్టు 25, 2025 వరకు అందుబాటులో ఉంటాయి.
అర్హతలు: కానిస్టేబుల్ (ట్రేడ్స్‌మన్) పోస్టులకు 10వ తరగతి ఉత్తీర్ణత, సంబంధిత ట్రేడ్‌లో ITI లేక ఒక సంవత్సరం అనుభవంతో కూడిన సర్టిఫికేట్ అవసరం. స్పోర్ట్స్ కోటా కోసం జాతీయ/అంతర్జాతీయ స్థాయిలో క్రీడల్లో పతకాలు లేదా పాల్గొనడం తప్పనిసరి. వయోపరిమితి 18-25 సంవత్సరాలు, రిజర్వేషన్ వర్గాలకు సడలింపు ఉంటుంది. శారీరక ప్రమాణాలు (ఎత్తు, ఛాతీ, బరువు) మరియు వైద్య పరీక్షలు తప్పనిసరి.
ఎంపిక విధానం: ఫిజికల్ స్టాండర్డ్ టెస్ట్ (PST), ఫిజికల్ ఎఫిషియన్సీ టెస్ట్ (PET), రాత పరీక్ష, ట్రేడ్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక జరుగుతుంది.
వేతనం: రూ.21,700-69,100 (లెవెల్-3)తో పాటు DA, HRA వంటి అలవెన్సులు ఉంటాయి.
దరఖాస్తు రుసుము రూ.100 (SC/ST, మహిళలకు మినహాయింపు). ఆసక్తి ఉన్నవారు rectt.bsf.gov.in ద్వారా దరఖాస్తు చేయవచ్చు. సరిహద్దు భద్రతలో భాగం కావడానికి ఈ అవకాశాన్ని సద్వినియోగం చేసుకోండి
