Hemant Soren| జార్ఖండ్ 14వ ముఖ్యమంత్రిగా జార్ఖండ్ ముక్తి మోర్చా(JMM) చీఫ్ హేమంత్ సోరెన్ ప్రమాణ స్వీకారం చేశారు. రాంచీలోని మోరబడి గ్రౌండ్‌లో జరిగిన కార్యక్రమంలో రాష్ట్ర గవర్నర్ సంతోశ్‌ కుమార్ గంగ్వార్(Santosh Gangwar) హేమంత్ చేత ప్రమాణ స్వీకారం చేయించారు. ఈ కార్యక్రమానికి ఏఐసీసీ చీఫ్ మల్లికార్జున ఖర్గే, రాహుల్‌గాంధీ, తెలంగాణ డిప్యూటీ సీఎం భట్టి విక్రమార్క, ఇండియా కూటమి నేతలు తదితరులు హాజరయ్యారు. జార్ఖండ్ ముఖ్యమంత్రిగా పగ్గాలు చేపట్టడం హేమంత్ సోరెన్‌కు ఇది నాలుగోసారి.
కాగా ఇటీవల జరిగిన జార్ఖండ్ అసెంబ్లీ ఎన్నికల్లో ఇండియా కూటమి ఘన విజయం సాధించిన సంగతి తెలిసిందే. 81 స్థానాలు ఉన్న జార్ఖండ్ అసెంబ్లీ ఎన్నికల్లో జేఎంఎం 34 సీట్లు, కాంగ్రెస్ 16 సీట్లు, ఆర్జేడీ 4 సీట్లు, సీపీఐ(ఎంఎల్‌) రెండు స్థానాల్లో విజయం సాధించాయి. ఇక బీజేపీ(BJP) నేతృత్వంలోని ఎన్డీఏ(NDA) కూటమి కేవలం 24 సీట్లకే పరిమితమైంది.
