PM Modi| మహారాష్ట్ర ఎన్నికల ఫలితాల్లో బీజేపీ నేతృత్వంలోని మహాయుతి కూటమి విజయ దుంధుబి మోగించిన సంగతి తెలిసిందే. దీంతో ఈ ఎన్నికల ఫలితాలపై ప్రధాని మోదీ స్పందించారు. ఈమేరకు ఎక్స్ వేదికగా పోస్టు పెట్టారు. కూటమి విజయం కోసం క్షేత్రస్థాయిలో నిర్విరామంగా కృషిచేసిన కార్యకర్తల పట్ల గర్వంగా ఉందన్నారు.
‘‘అభివృద్ధి, సుపరిపాలన గెలిచాయి. ఐక్యంగా ముందుకు సాగితే భవిష్యత్తులో మరిన్ని శిఖరాలు అధిరోహించగలం. ఈ విజయాన్ని అందించిన మహారాష్ట్ర ప్రజలకు, మరీ ముఖ్యంగా మహిళలు, యువతకు కృతజ్ఞతలు. మీరు చూపిన ప్రేమ మాటల్లో చెప్పలేనిది. మహారాష్ట్ర అభ్యున్నతికి మహాయుతి కృషి చేస్తుందని హామీ ఇస్తున్నాను’’ అని ఆ పోస్టులో రాసుకొచ్చారు. అలాగే ఝార్ఖండ్‌లో విజయం సాధించిన జేఎంఎం కూటమికి ఆయన అభినందనలు తెలియజేశారు.
కాగా మహారాష్ట్రలో మహాయుతి కూటమి 288 అసెంబ్లీ స్థానాలకు గానూ 227 సీట్లు దక్కించుకుంది. ఇక విపక్ష కూటమి మహా వికాస్ అఘాడి మాత్రం అసలు పోటీ ఇవ్వలేకపోయింది. దీంతో కాంగ్రెస్ శ్రేణులు తీవ్ర నిరాశలో మునిగిపోయారు.
