Simhastha Kumbhamela: గోదావరి తీరంలో జరిగే సింహస్థ కుంభమేళాకు కేంద్ర రైల్వే శాఖ సమాయత్తం అవుతుంది. నాసిక్ – త్రయంబకేశ్వర్ సింహస్థ కోసం రైల్వే మంత్రిత్వ శాఖ ముందస్తు సన్నాహాలు ప్రారంభించింది. కేంద్ర రైల్వే మంత్రి అశ్విని వైష్ణవ్, సహాయ మంత్రి రవ్నీత్ సింగ్ బిట్టు ఈ ప్రణాళికలను విస్తృతంగా సమీక్షించారు.
2025 మహా కుంభమేళా అనుభవంతో నాసిక్, నాసిక్ నగరం సమీపంలోని స్టేషన్లలో తగిన సౌకర్యాలను అభివృద్ధి చేయాలని మంత్రి అధికారులకు సూచించారు. కుంభమేళా ప్రాంతానికి సమీపంలో ఉన్న 5 కీలక స్టేషన్లలో ప్రయాణీకుల రద్దీకి తగినట్టుగా అవసరమగు చర్యలు తీసుకోవాలని అధికారులకు తెలియజేసారు. సింహస్థ కుంభమేళాకు నాసిక్ రోడ్, దేవ్లాలి, ఓధా, ఖేర్వాడి, కస్బే సుకేనే స్టేషన్లు అందుబాటులో ఉంటాయి.
Readmore: https://teluguprabha.net/national-news/rahul-gandhi-caste-census-mistake-obc-rahul-gandhi-on-obcs/
ఈ 5 స్టేషన్లలో ప్రతిపాదించబడిన మౌలిక సదుపాయాల పనులు, ప్రయాణీకుల సౌకర్యాల వివరాలను బట్టి.. ప్రణాళిక చేయబడిన పనులకు రూ.1,011 కోట్లకు పైగా ఖర్చవుతుందని అధికారులు అంచనా వేశారు.
ఈ పనులను రానున్న రెండు సంవత్సరాల కాలపరిమితిలో పూర్తి చేయాలమీ రైల్వే అధికారులకు ఆదేశించారు. మొత్తం 65 ప్రతిపాదిత పనులలో 33 పనులకు ఇప్పటికే అంచనాలు మంజూరు చేయబడ్డాయి. సింహస్థ కుంభమేళాకు దాదాపు 3 కోట్లకు పైగా యాత్రికులు వస్తారని అంచనా వేశారు. ఇది 2015 సింహస్థ కంటే దాదాపు 50 రెట్లు ఎక్కువగా ఉంటుంది. దీన్ని దృష్టిలో ఉంచుకుని, రైల్వేలు గణనీయంగా ఎక్కువ సంఖ్యలో ప్రత్యేక రైళ్లను నడపాలని యోచిస్తోంది.
కుంభమేళాకు వచ్చే యాత్రికుల కోసం నాసిక్‌ను కామాఖ్య, హౌరా, పాట్నా, ఢిల్లీ, జైపూర్, బికనీర్, ముంబై, పూణే, నాగ్‌పూర్, నాందేడ్ వంటి ముఖ్యమైన స్టేషన్లకు అనుసంధానిస్తూ ప్రత్యేక రైళ్లు, స్వల్ప-దూర మెము సేవలు అందించబడతాయని తెలిపారు. 3 జ్యోతిర్లింగాలు త్రయంబకేశ్వర్, ఘృష్ణేశ్వర్, ఓంకారేశ్వర్ లను దర్శించేలా రౌండ్-ట్రిప్ స్పెషల్ సర్క్యూట్ రైలు కూడా నడుస్తుందని రైల్వే అధికారులు తెలిపారు. ప్రతి స్టేషన్ లో సమర్థవంతమైన పర్యవేక్షణ కోసం సీసీటీవీ కెమెరాలు అమర్చాలని తెలిపారు.
