ఛాంపియన్స్ ట్రోఫీ(Champions Trophy)లో భాగంగా అఫ్ఘానిస్థాన్‌ – ఇంగ్లండ్‌(AFG vs ENG) మధ్య మ్యాచ్ జరుగుతోంది. ఈ మ్యాచ్‌లో టాస్‌ గెలిచిన నెగ్గిన అఫ్ఘానిస్థాన్‌ తొలుత బ్యాటింగ్‌ ఎంచుకుంది. బ్యాటింగ్‌కు దిగిన ఆ జట్టుకు 37 పరుగులకే మూడు కీలక వికెట్లు కోల్పోయి కష్టాల్లో పడింది. ఓవైపు మిగతా బ్యాటర్లు విఫలమవుతున్నా.. ఇబ్రహీం జద్రాన్(ibrahim zadran) సెంచరీతో అదరగొట్టాడు. 3 సిక్సులు, 6 ఫోర్ల సాయంతో 106 బంతుల్లోనే సెంచరీ పూర్తి చేసుకన్నాడు. అఫ్ఘానిస్థాన్‌ తరపున ఛాంపియన్స్ ట్రోఫీలో సెంచరీ బాదిన తొలి బ్యాటర్ కావడం విశేషం.
సెంచరీ అనంతరం కూడా ధాటిగా ఆడుతూ 177 పరుగులకు ఔట్ అయ్యాడు. దీంతో ఛాంపియన్స్ ట్రోఫీలో అత్యధిక స్కోర్ చేసిన ఆటగాడిగా చరిత్ర సృష్టించాడు. దీంతో ఆఫ్ఘాన్ 50 ఓవర్లలో 325/7 పరుగుల భారీ స్కోర్ చేసింది. రహ్మానుల్లా గుర్బాజ్‌ 6, అటల్ 4. రహ్మత్ షా 4, షాహిది 40 , ఒమర్జాయ్ 41, మహ్మద్ నబీ 40 పరుగులు చేశారు. ఇక ఇంగ్లాండ్ బౌలర్లలో జోఫ్రా ఆర్చర్ మూడు వికెట్లు, లివింగ్ స్టోన్ రెండు వికెట్లు, అదిల్ రషీద్, ఓవర్‌టన్ చెరో వికెట్ తీశారు. భారీ లక్ష్యంతో బరిలో దిగనున్న ఇంగ్లాండ్ ఈ మ్యాచ్‌లో విజయం సాధిస్తేనే సెమీస్‌కు అర్హత సాధిస్తుంది. దీంతో ఈ మ్యాచ్ ఆసక్తిరంగా మారింది.
