Arattai Zoho App : ఇటీవల అమెరికా పర్యటనల్లో ప్రధానమంత్రి నరేంద్ర మోదీ ఒక ముఖ్యమైన పిలుపు ఇచ్చారు. దేశ యువతను స్వదేశీ సోషల్ మీడియా ప్లాట్‌ఫారమ్‌లు తయారు చేయమని, డిజిటల్ స్వాతంత్ర్యం కోసం భారతీయ టెక్నాలజీని ప్రోత్సహించాలని చెప్పారు. ఈ పిలుపు దేశవ్యాప్తంగా ప్రతిధ్వనిసలాడుతోంది. ఇక్కడే Zoho కంపెనీకి చెందిన అరట్టై మెసేజింగ్ యాప్ ట్రెండింగ్ అవుతోంది. ‘అరట్టై’ అంటే తమిళంలో ‘క్యాజువల్ చాట్’ అని అర్థం. ఇది వాట్సాప్‌లా మెసేజింగ్ చేస్తుంది, కానీ పూర్తిగా భారతీయ టెక్నాలజీపై ఆధారపడి ఉంటుంది.
Zoho సీఈఓ శ్రీధర్ వెంబు ఇటీవల తమ X (ట్విటర్) ఖాతాలో పోస్ట్ చేసిన సమాచారం ప్రకారం, రోజుకు 3.5 లక్షల మంది కొత్త యూజర్లు చేరుతున్నారు. మూడు రోజుల్లోనే ట్రాఫిక్ 100 రెట్లు పెరిగింది. యాప్ ఆపిల్ అప్ స్టోర్‌లో సోషల్ మీడియా కేటగిరీలో నంబర్ వన్ స్థానాన్ని సంపాదించింది. ఇటీవల కేంద్ర మంత్రులు అశ్విని వైష్ణవ్, ధర్మేంద్ర ప్రధాన్‌లు దీన్ని ప్రశంసించారు. వారు స్వదేశీ యాప్‌లను ఉపయోగించాలని ప్రజలకు సూచించారు. ఇది మోదీ పిలుపుకు సరైన స్పందనలా మారింది.
అరట్టై యాప్ ఫీచర్లు చాలా సరళమైనవి. తక్కువ బ్యాండ్‌విడ్త్‌లో, పాత ఫోన్‌లలో కూడా స్మూత్‌గా పని చేస్తుంది. ఎండ్-టు-ఎండ్ ఎన్‌క్రిప్షన్‌తో ప్రైవసీని కాపాడుతుంది. స్పైవేర్ లేకుండా, భారతీయ సర్వర్‌లపై మాత్రమే డేటా స్టోర్ చేస్తుంది. గ్రూప్ చాట్‌లు, వాయిస్ మెసేజ్‌లు, వీడియో కాల్స్ వంటివి ఉన్నాయి. Zoho ఇప్పటికే క్లౌడ్, మెయిల్ వంటి టూల్స్‌లో ప్రసిద్ధి చెందింది. ఇప్పుడు మెసేజింగ్‌లో కూడా భారతీయులకు ఆల్టర్నేటివ్ ఇస్తోంది.
కానీ, యాప్ ఇంకా ఆల్ఫా వెర్షన్‌లో ఉంది. శ్రీధర్ వెంబు చెప్పినట్టు, సవాళ్లు ఉన్నాయి. ట్రాఫిక్ ఎక్కువ కావడంతో సర్వర్‌లు స్కేల్ చేయాలి. టీమ్ 100 రెట్లు మరిన్ని సర్వైవ్ చేయడానికి పని చేస్తోంది. భవిష్యత్తులో ఇంకా ఫీచర్లు జోడిస్తారు. పెర్ప్లెక్సిటీ AI సీఈఓ అరవింద్ శ్రీనివాస్ కూడా దీన్ని ప్రశంసించారు. “కాంగ్రాట్స్ టు Zoho” అని పోస్ట్ చేశారు.
మీరు అరట్టై ట్రై చేశారా? వాట్సాప్‌కు బదులు ఇది ఎంత మేలు చేస్తుందో చూడటానికి డౌన్‌లోడ్ చేసి చూడండి. స్వదేశీ టెక్నాలజీని ప్రోత్సహిస్తే, భారత్ డిజిటల్ వరల్డ్‌లో ముందుంటుంది.
