OPPO Reno 14 5G Mint Green variant Launched: స్మార్ట్‌ఫోన్ బ్రాండ్ ఒప్పో తన ప్రసిద్ధ స్మార్ట్‌ఫోన్ రెనో 14 5Gని భారతదేశంలో కొత్త రంగు ఎంపికతో పరిచయం చేసింది. ఇందులో భాగంగా ఈ హ్యాండ్‌సెట్ ఇప్పుడు మునుపటి కంటే చాలా స్టైలిష్, ప్రీమియం లుక్‌ను ఇస్తోంది. మీడియాటెక్ డైమెన్సిటీ 8350 చిప్‌సెట్, 12GB వరకు RAMతో వస్తున్న ఈ ఫోన్ కు సంబంధించి ధర, ఫీచర్లు గురించి వివరంగా తెలుసుకుందాం.

OPPO Reno 14 5G Mint Green variant ధర:

ఇండియాలో ఒప్పో రెనో 14 5G మింట్ గ్రీన్ వేరియంట్ 8GB + 256GB వేరియంట్‌ ధర రూ.37,999గా 12GB + 256GB వేరియంట్‌కు రూ.39,999గా నిర్ణయించారు. 12GB + 512GB వేరియంట్ ధర రూ.42,999గా పేర్కొంది. ఈ RAM, స్టోరేజ్ వేరియంట్‌లు రెండూ ఇప్పుడు మింట్ గ్రీన్ రంగులో కొనుగోలుకు ఉన్నాయి. ఈ మింట్ గ్రీన్ వేరియంట్ ఫోన్ ఒప్పో అధికారిక వెబ్‌సైట్, అమెజాన్, ఎంపిక చేసిన రిటైల్ స్టోర్‌లలో అందుబాటులో ఉంది.

Also Read: Nothing Phone 3: నథింగ్ ఫోన్ 3 ధర తగ్గిందోచ్.. ఏకంగా రూ.20వేలు డిస్కౌంట్!

OPPO Reno 14 5G Mint Green variant ఫీచర్లు:

ఒప్పో రెనో 14 5G మింట్ గ్రీన్ వేరియంట్ మొబైల్ 120Hz రిఫ్రెష్ రేట్, 1,200 నిట్స్ వరకు బ్రైట్‌నెస్ అందించారు. ఈ పరికరం కార్నింగ్ గొరిల్లా గ్లాస్ 7i రక్షణతో 6.59-అంగుళాల 1.5K OLED డిస్‌ప్లేను కలిగి ఉంటుంది. మీడియాటెక్ డైమెన్సిటీ 8350 సోక్ ద్వారా శక్తిని పొందుతుంది. ఈ పరికరం 12GB వరకు RAM అదేవిధంగా 512GB వరకు ఆన్‌బోర్డ్ నిల్వతో జత చేయబడింది.

ఈ హ్యాండ్‌సెట్ Android 15 ఆధారంగా ColorOS 15.0.2 పై పనిచేస్తుంది. గూగుల్ జెమిని, నుండి ఫీచర్లు మరియు AI Unblur, AI Recompose, AI కాల్ అసిస్టెంట్, AI మైండ్ స్పేస్ వంటి సాధనాలతో లభిస్తోంది. భద్రత కోసం..ఇది ఇన్-డిస్ప్లే ఆప్టికల్ ఫింగర్ ప్రింట్ సెన్సార్‌ను కలిగి ఉంది

ఇక ఈ ఫోన్ కెమెరా గురించి మాట్లాడితే..50-మెగాపిక్సెల్ ప్రైమరీ రియర్ సెన్సార్, 3.5x ఆప్టికల్ జూమ్‌తో 50-మెగాపిక్సెల్ పెరిస్కోప్ టెలిఫోటో షూటర్, వెనుక భాగంలో 8-మెగాపిక్సెల్ అల్ట్రావైడ్ కెమెరాను కలిగి ఉంది. ఇక సెల్ఫీలు, వీడియో కాల్‌ల కోసం..ఇది ముందు భాగంలో 50-మెగాపిక్సెల్ సెన్సార్‌ను కలిగి ఉంది. ఇది డస్ట్, వాటర్ నిరోధకతను కోసం IP66 + IP68 + IP69 రేటింగ్‌లను అందించారు.

ఒప్పో రెనో 14 5G మింట్ గ్రీన్ వేరియంట్ బ్యాటరీ గురించి మాట్లాడితే.. 80W SuperVOOC ఛార్జింగ్‌కు మద్దతు ఇచ్చే 6,000mAh బ్యాటరీతో వస్తోంది. కనెక్టివిటీ పరంగా.. ఈ హ్యాండ్‌సెట్ eSIM, 5G, 4G, Wi-Fi 6, బ్లూటూత్ 5.4, GPS, USB టైప్-C, డ్యూయల్ నానో-సిమ్‌ వంటి ఫీచర్లతో వస్తుంది.