శంకర్ పల్లి మండలం కొత్తపల్లి గ్రామంలో సీసీ రోడ్డు పనులకు చేవెళ్ల శాసనసభ్యులు కాలే యాదయ్య శంకుస్థాపన చేశారు. రాష్ట్ర పంచాయతీరాజ్ మరియు గ్రామీణ అభివృద్ధి శాఖ హెచ్ఎండిఏ నిధులతో సుమారు 5 లక్షల రూపాయలతో సి సి రోడ్ నిర్మాణం పనులకు శంకుస్థాపన చేశారు. ఈ సందర్భంగా ఆయన మాట్లాడుతూ ప్రతి గ్రామానికి మౌలిక సదుపాయాలను కల్పించడంలో రాష్ట్ర ప్రభుత్వం ముందడుగు వేస్తుందని అన్నారు. ఇలాంటి ప్రభుత్వాన్ని మరోసారి ఆదరించాలని ఎన్నికలలో బిఆర్ఎస్ ను అధిక మెజారిటీతో గెలిపించాలని ఆయన కోరారు.

ఈ కార్యక్రమంలో కొత్తపల్లి గ్రామ సర్పంచ్ శాంత చెన్నయ్య, గ్రామ ఉపసర్పంచ్ పద్మ అశోక్, మార్కెట్ కమిటీ డైరెక్టర్ విష్ణువర్ధన్, రాజు గౌడ్, ప్రకాష్ గౌడ్, సూర్య కళ, సుక్కయ్య , వార్డు సభ్యులు, గ్రామ ప్రజలు పాల్గొన్నారు.