కాంగ్రెస్ పార్టీ అధికారంలోకి రాగానే ఖాళీగా ఉన్న 2 లక్షల ఉద్యోగాలు భర్తీ చేస్తామంటూ…ఎమ్మెల్యే సీతక్క హామీ ఇచ్చారు. క్యాంప్ కార్యాలయంలో బి ఆర్ఎస్ పార్టీకి చెందిన 20 మంది యువకులు కాంగ్రెస్ పార్టీలో చేరగా వారికి పార్టీ కండువా వేసి ఆహ్వానించారు ములుగు ఎమ్మెల్యే సీతక్క. ఈ సందర్భంగా ఆమె మాట్లాడుతూ.. సీఎం కేసీఆర్, కేటీఆర్ ఉద్యోగాలు ఊడగొడితేనే తెలంగాణ పిల్లలకు ఉద్యోగాలు వస్తాయని, ఇల్లు కట్టుకునే పేదలకు ఇందిరమ్మ పథకం కింద 5 లక్షల రూపాయల సాయంతో పాటు ఆరోగ్య శ్రీ ద్వారా 5 లక్షల వరకు ఉచిత వైద్యం అందిస్తామన్నారు. రైతులకు ఏక కాలంలో 2 లక్షల రుణమాఫీ, 500 రూపాయాలకే గ్యాస్ సిలిండర్ అందించి ఆడబిడ్డల కష్టాలు తీరుస్తామని అన్నారు.
ఈ కార్యక్రమంలో కిసాన్ కాంగ్రెస్ జిల్లా అధ్యక్షులు గొల్ల పెల్లి రాజేందర్ గౌడ్,యూత్ కాంగ్రెస్ జిల్లా అధ్యక్షులు బానోత్ రవి చందర్, మత్స్యశాఖ జిల్లా అధ్యక్షులు కంబాల రవి, కాంగ్రెస్ పార్టీ జిల్లా ప్రచార కార్యదర్శి కూనురు అశోక్ గౌడ్ తదితరులు ఉన్నారు.
