Minister Sathyakumar: ఆంధ్రప్రదేశ్ మాజీ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డిపై రాష్ట్ర మంత్రివర్గ సభ్యుడు సత్యకుమార్ యాదవ్ తీవ్ర విమర్శలు గుప్పించారు. తన పరిపాలన సమయంలో అన్ని ప్రభుత్వ వ్యవస్థల నిష్క్రియతకు జగన్‌నే బాధ్యుడిగా పేర్కొన్నారు. ‘‘మీ పాలనలో ఎన్ని హామీలు అమలయ్యాయో ఒకసారి సమీక్షిద్దాం. రైతులకు భరోసా పేరుతో ఎంత ఇచ్చామంటే, నిజంగా ఇచ్చింది ఎంత?’’ అని ఆయన ప్రశ్నించారు.
మంత్రి సత్యకుమార్ ప్రకారం, ప్రస్తుత కూటమి ప్రభుత్వం రైతులకు రూ. 20,000 చొప్పున భరోసా అందజేస్తుందని తెలిపారు. అదే సమయంలో జగన్ ప్రభుత్వ హయాంలో ఒక్క పరిశ్రమ అయినా రాష్ట్రానికి వచ్చిందా అన్నదానిపై సందేహం వ్యక్తం చేశారు. కేంద్ర ప్రభుత్వ సంస్థల నుంచే ఇప్పటికే రూ. 2.5 లక్షల కోట్ల పెట్టుబడులు, ప్రైవేట్ రంగం నుంచి రూ. 7 లక్షల కోట్ల మేర పెట్టుబడులు రాష్ట్రానికి రాబోతున్నాయని చెప్పారు.
అవినీతిపై చర్యలు తీసుకుంటే కొందరు రాజకీయ నాయకులు అప్రమత్తమవుతున్నారని, అలాంటి సందర్భాల్లో అలజడులు సృష్టించడమే లక్ష్యంగా వ్యవహరిస్తున్నారని ఆరోపించారు. ‘‘ఇలాంటి పరిస్థితుల్లో రేపు జగన్ జైలుకు వెళ్లే రోజు కూడా దూరంగా లేదు,’’ అని వ్యాఖ్యానించారు.
ఇక పోలీసు వ్యవస్థ వాడకం విషయంలో కూడా జగన్ ప్రభుత్వాన్ని మంత్రిగా సత్యకుమార్ విమర్శించారు. ‘‘అసెంబ్లీలో ఐదేళ్ల పాటు గైర్హాజరు కావడం, సభలో హద్దులు దాటి మాట్లాడడం ప్రజాస్వామ్యానికి మారు ముఖమే. మీరు నిజంగా ధైర్యంగా ఉంటే సభలోకి రండి, అభిప్రాయాలను తర్కాత్మకంగా చర్చిద్దాం’’ అని జగన్‌ను సవాల్ విసిరారు. రాష్ట్ర అభివృద్ధికి కేంద్రం నుంచి విస్తృతంగా నిధులు వస్తున్నాయని, అవినీతికి సంబంధించిన కేసుల్లోనూ న్యాయం జరగాల్సిందేనని మంత్రి సత్యకుమార్ స్పష్టం చేశారు. ‘‘లిక్కర్ కేసులో తమకు సంబంధం లేదంటున్న వాళ్ల దగ్గరే నోట్ల కట్టలు బయటపడుతున్నాయి. ఇది అన్వేషించాల్సిన అంశం,’’ అని తేల్చి చెప్పారు.
