Priya Malik: ఎంతో ఆనందంగా, ఇంటిళ్లిపాది సంతోషంగా జరుపుకునే పండుగ దీపావళి. ఇంటి ముందు దీపాలు వెలిగించడంతో పాటు రకరకాల టపాసులు కాలుస్తుంటారు. అయితే, కొన్ని కొన్ని సార్లు పటాసుల వల్ల ప్రమాదాలు కూడా ఎదురవుతాయి. ఈ సమయంలోనే ఎంతో జాగ్రత్తగా ఉండాలి. లేదంటే ప్రమాదాలు ఎదురవుతాయి. దీని గురించే బిగ్ బాస్ హిందీ సీజన్ 9 కంటెస్టెంట్, బుల్లితెర నటి ప్రియా మాలిక్ మాట్లాడింది. ప్రియా మాలిక్ కూడా అందరిలాగే దీపావళిని వేడుకగా సెలబ్రేట్‌ చేసుకుంది. ఇరుగుపొరుగువారితో కలిసి ఫోటోలు దిగింది. ఈ సమయంలో తన వెనకున్న దీపానికి ఆమె డ్రెస్‌ అంటుకుంది. ఫోటోలు దిగుతుండగా..క్షణాల వ్యవధిలోనే అది పెద్ద మంటగా మారింది. కుడి భుజం దగ్గరివరకు అగ్నిరవ్వలు ఎగిసిపడ్డాయి. అది చూసిన నటి తండ్రి.. ఆమె డ్రెస్‌ చింపేసి ఆమెను కాపాడాడు.
Read Also: Bigg Boss New Promo: రీతూ వర్సెస్ తనూజ.. పైసల్ కోసమ్ హౌస్ లో పెద్ద లొల్లే..!
ప్రమాదంపై ప్రియా మాలిక్ ఏమన్నారంటే?
అయితే, ఈ విషయం గురించి ప్రియ మాట్లాడుతూ.. ఆ ఘటన తల్చుకుంటేనే భయంగా ఉంది. నేను, నా కుటుంబసభ్యులు ఇంకా షాక్‌లోనే ఉన్నాం. ఫోటోలు దిగే సమయంలో నా డ్రెస్‌కు నిప్పంటుకుంది. నన్ను కాపాడటం కోసం నాన్న డ్రెస్‌ చింపేశాడు. దానివల్లే నేను బతికిబట్టకట్టాను. నాకే ఆశ్చర్యం!చాలామంది ఏమనుకుంటారంటే.. ఇలాంటివి మనకెందుకు జరుగుతాయిలే అని లైట్‌ తీసుకుంటారు. కానీ చిన్న నిర్లక్ష్యం వల్ల నా ప్రాణాలే పోయేవి. నాన్న హీరోలా వచ్చి కాపాడాడు. భుజాలు, వీపు, చేతివేళ్లపై కాలిన గాయాలున్నాయి. చిన్నపాటి గాయాలతో బయటపడ్డందుకు నాకే ఆశ్చర్యంగా ఉంది. సంతోషకర విషయమేంటంటే.. ఆ ప్రమాదం జరిగిన సమయంలో నా చేతిలో నా కొడుకు లేడు అని చెప్పుకొచ్చింది. బిగ్బాస్ 9తో పాపులర్‌ అయిన ప్రియ మాలిక్.. బిగ్ బాస్ కన్నా ముందు ఆస్ట్రేలియా బిగ్ బ్రదర్ సీజన్ 11 లోనూ ప్రియా పాల్గొంది. అంతేకాకుండా, నజర్, సావిత్రి దేవి కాలేజ్ అండ్ హాస్పిటల్ సీరియల్స్ లో, యే కాలీ కాలీ ఆంఖే అనే సిరీస్ లోనూ యాక్ట్ చేసింది. మరోవైపు, ఏబీపీ న్యూస్ లో గ్యాంగ్ స్టర్ కీ గర్ల్ ఫ్రెండ్ అనే ప్రోగ్రాం కూడా చేసింది. అయితే, 2008లో ప్రియామాలిక్ ఆస్ట్రేలియాకు చెందిన భూషణ్ మాలిక్ ని పెళ్లిచేసుకోగా.. 2018లో అతడితో విడిపోయింది. ఇక ఆ తర్వాత 2022లో ఎంటర్‌ప్రెన్యూర్‌ కరణ్‌ బక్షిని పెళ్లి చేసుకుంది. వీరికి 2024లో కుమారుడు జోరావర్‌ జన్మించాడు.
Read Also: Venu Swamy: బిగ్ బాస్ పై వేణుస్వామి బిగ్ అప్ డేట్.. ఏంటో తెలుసా?
