Nani’s Paradise Movie: ఒక్కోసారి సినిమాలో ఊహించని కాంబినేషన్లు ప్రేక్షకులను బాగా ఆకట్టుకుంటాయి. ఇటీవల కాలంలో క్రేజీ మల్టీస్టారర్ సినిమాలు, అలాగే క్యామియో రోల్స్‌తో మేకర్స్ అభిమానులను సర్ప్రైజ్ చేస్తున్నారు. ఈ ట్రెండ్ ఎక్కువగా తమిళ చిత్ర పరిశ్రమలో కనిపిస్తుంది. అయితే, ఇప్పుడు తెలుగులో కూడా అలాంటి ఒక స్పెషల్ కాంబో సెట్ చేయడానికి ప్రయత్నిస్తున్నారని తెలుస్తోంది.
నాని సినిమాలో మెగాస్టార్ క్యామియో
న్యాచురల్ స్టార్ నాని ప్రస్తుతం శ్రీకాంత్ ఓదెల దర్శకత్వంలో ‘ప్యారడైజ్’ అనే సినిమా చేస్తున్నారు. ఈ సినిమాతో నాని మరోసారి తన మాస్ స్టామినాను నిరూపించుకోవాలని చూస్తున్నారు. అయితే ఈ సినిమాలో ఒక మెగా సర్ప్రైజ్ ప్లాన్ చేస్తున్నారనే వార్తలు వినిపిస్తున్నాయి. అదేమిటంటే, ఈ సినిమాలో మెగాస్టార్ చిరంజీవి ఒక అతిథి పాత్రలో కనిపించవచ్చని ఊహాగానాలు ప్రచారంలో ఉన్నాయి.
నాని నిర్మాతగా, శ్రీకాంత్ ఓదెల దర్శకత్వంలోనే చిరంజీవి తమ తదుపరి సినిమా చేయనున్నారు. ఈ కాంబినేషన్ ఇప్పటికే కుదిరింది కాబట్టి, నాని ‘ప్యారడైజ్’ సినిమాలో చిరంజీవి క్యామియో చేయడానికి అవకాశం ఉందని అంటున్నారు. దీనిపై అధికారిక ప్రకటన రావాల్సి ఉంది.
