ఇటీవల ఓ మూవీ ప్రీ రిలీజ్ ఈవెంట్‌లో నిర్మాత SKN తెలుగమ్మాయిలు గురించి చేసిన తీవ్ర వివాదాస్పదం అవుతున్న సంగతి తెలిసిందే. ఆయన మాట్లాడుతూ తెలుగు వాళ్ళు వేరే హీరోయిన్స్‌ని బాగా ఎంకరేజ్ చేస్తామని.. తెలుగు హీరోయిన్స్‌ని ఎంకరేజ్ చేయమన్నారు. ఎంకరేజ్ చేస్తే ఏమవుతుందో చూస్తున్నామని.. అందుకే తెలుగు హీరోయిన్స్‌ని ఎంకరేజ్ చేయకూడదు అనుకున్నామని తెలిపారు. ఈ వ్యాఖ్యలపై సోషల్ మీడియాలో విమర్శలు రావడంపై SKN స్పందిస్తూ ఓ వీడియో విడుదల చేశారు
“ఈ మధ్య కాలంలో తెలుగమ్మాయిలను హీరోయిన్లుగా పరిచేయం చేసిన అతి కొద్ది మంది నిర్మాతల్లో నేను ఒకరిని. రేష్మ, ఆనంది, మానస, ప్రియాంక జవాల్కర్, వైష్ణవి చైతన్య, ఐశ్వర్య, ఖుషితలను పరిచయం చేశాం. నెక్ట్స్ హారిక, మరో కొత్త అమ్మాయిని కూడా పరిచయం చేయబోతున్నాం. ఈషా రెబ్బా, ప్రియా వడ్లమాని, ఇనాయాలను కూడా పరిచయం చేశాం.
తెలుగు జర్నలిస్టుగా నా కెరీర్ స్టార్ట్ చేశాను కాబట్టి తెలుగు వాళ్లను ప్రోత్సహించాలని కోరుకుంటాను. నాకు తెలిసి 25 మంది అమ్మాయిలను హీరోయిన్లుగా, రైటర్లుగా, ఆర్ట్ డైరెక్టర్లుగా, ఎగ్జిక్యూటివ్ నిర్మాతలుగా, డైరెక్టర్లుగా ప్రోత్సహించాను. ఎవరికైనా మొదటి అవకాశం ఇవ్వడం ఎంతో ఇంపార్టెంట్ విషయం. కొంచెం సరదాగా చేసిన వ్యాఖ్యలను పట్టుకుని, తెలుగమ్మాయిలతో ఇక వర్క్ చేయొద్దు అని అన్నట్టుగా ప్రచారం చేస్తున్నారు.
నేను జోక్ గానే ఆ వ్యాఖ్యలు చేశాను. నేను తెలుగమ్మాయిలను ప్రోత్సహించడాన్ని ఉద్యమంగా తీసుకుని ముందుకు వెళుతున్నాను. నా రాబోయే చిత్రాల్లో కూడా తెలుగమ్మాయిలకే ప్రాధాన్యత ఉంటుంది కాబట్టి, ఇకపై ఎలాంటి వ్యతిరేక ప్రచారం చేయొద్దని కోరుతున్నాను” అంటూ ఎస్కేఎన్ వివరించారు..
