CM official car fined: సీఎం ప్రయాణించే కారుకు సైతం చలానాలు తప్పలేదు. 2024 నుంచి పలు సిటీ జంక్షన్ల వద్ద ట్రాఫిక్ ఉల్లంఘనలకు పాల్పడినట్లుగా కెమెరాలలో రికార్డయింది. దీంతో సీఎం ఆ బకాయిలు చెల్లించారు. 50 శాతం డిస్కౌంట్ స్కీమ్‌ను ప్రభుత్వం ప్రవేశపెట్టడంతో.. ఆ రాయితీ మొత్తాన్ని ఉపయోగించుకుని సీఎం జరిమానాలు కట్టారు. అయితే ఆ సీఎం ఏ రాష్ట్రానికి చెందినవారో తెలుసుకుందా!
రూల్ ఇజ్ రూల్.. రూల్ ఫర్ ఆల్: కర్ణాటక సీఎం సిద్ధరామయ్య ప్రయాణించే కారుకు సైతం పోలీసులు చలానాలు విధించారు. రూల్ ఇజ్ రూల్.. రూల్ ఫర్ ఆల్ అన్నట్లుగా కర్ణాటక పోలీసులు వ్యవహరించారు. ఆరు వేర్వేరు సందర్భాల్లో సీఎం కారు ట్రాఫిక్ ఉల్లంఘనలకు పాల్పడినట్లు తేలింది. తాజాగా బెంగళూరులో ఏర్పాటు చేసిన ఇంటెలిజెన్స్ ట్రాఫిక్ మేనేజిమెంట్ సిస్టమ్ కెమెరాల్లో.. సీఎం ఫ్రంట్ సీటులో సీటుబెల్ట్ పెట్టుకోకుండా కూర్చున్నట్లు రికార్డయింది.
50 శాతం డిస్కౌంట్ తో చెల్లింపు: 2024 నుంచి సిటీ జంక్షన్ల వద్ద పలుమార్లు ట్రాఫిక్ ఉల్లంఘనలకు పాల్పడినట్టు కెమెరాలలో రికార్డయింది. మరో కేసులో సిద్ధరామయ్య వాహనం కెంపెగౌడ్ అంతర్జాతీయ విమానాశ్రయం ఎక్స్‌ప్రెస్ కారిడార్ మీదుగా వేగంగా వెళ్తున్నట్లు రికార్డయింది.
మెుత్తం 6 సార్లు ఉల్లంఘన: గత జనవరి, ఫిబ్రవరి, ఆగస్టుల్లో సైతం సీట్‌బెల్ట్ ఉల్లంఘన కేసులు రికార్డయ్యాయి. మెుత్తం 6 సార్లు నిబంధనల ఉల్లంఘనలకు రూ.5,000 జరిమానా పడింది. దీంతో సిద్ధరామయ్య ఆ బకాయిలు చెల్లించారు. 50 శాతం డిస్కౌంట్ స్కీమ్‌ను ప్రభుత్వం ప్రవేశపెట్టడంతో.. ఆ రాయితీని ఉపయోగించుకుని సీఎం జరిమానాలు కట్టారు. రూ.5,000 బకాయి బదులుగా రూ.2,500 చెల్లించినట్లు ట్రాఫిక్ పోలీసు అధికారులు తెలిపారు.
