Foods that reduce kidney stones: ఈ మధ్య చాలామందికి ఎదురవుతున్న ప్రధాన ఆరోగ్య సమస్యల్లో కిడ్నీ స్టోన్స్ ఒకటి. మూత్రపిండాల్లో రాళ్ళు ఏర్పడటం వల్ల అనేక మంది ఇబ్బందికి గురవుతున్నారు. సరైన ఆహారపు అలవాట్లు, జీవనశైలి మార్పులతో ఈ రాళ్లను తగ్గించుకోవచ్చు. దాంతో పాటు వాటిని ఏర్పడకుండా నిరోధించవచ్చు కూడా. ఆ ఆహారలేంటో ఇప్పడు చూద్దాం.
కిడ్నీ రాళ్లు కరిగించేందుకు సహాయపడే ఆహారాలు:
నిమ్మరసం, సిట్రస్ పండ్లు:
నిమ్మకాయ, నారింజ, బత్తాయి వంటి సిట్రస్ పండ్లలో ఉండే సిట్రిక్ ఆమ్లం కిడ్నీ రాళ్లను కరిగించడంలో సహాయపడుతుంది. ప్రతిరోజూ ఉదయం గోరువెచ్చని నిమ్మరసం తాగడం మంచిది.
బార్లీ నీరు:
రోజూ బార్లీ నీరు తాగడం వల్ల మూత్రనాళాలు శుభ్రపడి, రాళ్లు బయటకు వెళ్ళడానికి సహాయపడుతుంది.
కొబ్బరి నీరు:
ఇది శరీరంలో ద్రవాలను పెంచి, మూత్ర విసర్జనను ప్రోత్సహిస్తుంది, తద్వారా రాళ్లను బయటకు పంపడంలో దోహదపడుతుంది.
ఉసిరికాయ:
విటమిన్ సి సమృద్ధిగా ఉండే ఉసిరికాయ, కాల్షియం ఆక్సలేట్ రాళ్లను తగ్గించడంలో ఉపకరిస్తుంది.
పుచ్చకాయ, దోసకాయ:
వీటిలో అధికంగా ఉండే నీటి శాతం మూత్రపిండాలను శుభ్రపరుస్తుంది.
కిడ్నీ లో ఏర్పడ్డ చిన్న సైజు రాళ్లకు ఈ చిట్కాలు ఉపయోగపడతాయి. అయితే, ఇవి వైద్య చికిత్సకు ప్రత్యామ్నాయం కావు, కేవలం సహాయకారిగా మాత్రమే పరిగణించాలి. మీ ఆరోగ్య పరిస్థితికి తగిన చిట్కాల కోసం ఎల్లప్పుడూ వైద్య నిపుణుడి సలహా తీసుకోవడం ఉత్తమం.
దూరంగా ఉంచాల్సిన ఆహారాలు:
అధిక ఆక్సలేట్ ఉన్న ఆహారాలు: బచ్చలికూర, బీట్‌రూట్, చాక్లెట్, బాదం, టీ వంటి వాటిని మితంగా తీసుకోవాలి.
అధిక ఉప్పు: ఉప్పు ఎక్కువగా తీసుకోవడం వల్ల మూత్రంలో కాల్షియం పెరిగి రాళ్లు ఏర్పడే అవకాశం ఉంది.
ఎక్కువ ప్రొటీన్: ఎర్ర మాంసం, అధిక ప్రొటీన్ గల ఆహారాలు కిడ్నీ రాళ్లకు దారితీయవచ్చు.
జీవనశైలి మార్పులు:
నీరు ఎక్కువగా తాగడం: రోజుకు కనీసం 3 లీటర్ల నీటిని తాగాలి. ఇది రాళ్లను కరిగించడంలో, కొత్తవి ఏర్పడకుండా నిరోధించడంలో కీలకం.
బరువు అదుపులో ఉంచుకోవాలి: అధిక బరువు కిడ్నీ రాళ్ల ప్రమాదాన్ని పెంచుతుంది. సరైన వ్యాయామం, ఆహారంతో బరువు తగ్గాలి.
ఒత్తిడి తగ్గించుకోవాలి: ఒత్తిడి కూడా కిడ్నీ ఆరోగ్యంపై ప్రభావం చూపుతుంది.
ఎప్పుడు డాక్టర్‌ను సంప్రదించాలి?
తీవ్రమైన నొప్పి, మూత్రంలో రక్తం, జ్వరం, వాంతులు, లేదా మూత్ర విసర్జనలో అడ్డంకులు వంటి లక్షణాలు కనిపిస్తే వెంటనే వైద్యుడిని సంప్రదించడం చాలా ముఖ్యం.